⚠ IMPORTANT NOTICE
BREAKING
ਖਬਰਾਂ ਲੋਡ ਹੋ ਰਹੀਆਂ ਹਨ...
01  /  --
ਮੁੱਖ ਖ਼ਬਰਾਂ EK NAZAR
● LATEST
ਖ਼ਬਰਾਂ ਲੋਡ ਹੋ ਰਹੀਆਂ ਹਨ...
ਖ਼ਬਰਾਂ ਲੋਡ ਹੋ ਰਹੀਆਂ ਹਨ...

 


ਆਲ ਇੰਡੀਆ ਸੈਨੀ ਸੇਵਾ ਸਮਾਜ ਵੱਲੋਂ ਪੰਜਾਬ ਵਿੱਚ ਇੱਕਜੁਟਤਾ ਲਈ ਵਿਆਪਕ ਜਨਸੰਪਰਕ ਮੁਹਿੰਮ ਦੀ ਸ਼ੁਰੂਆਤ - ਪ੍ਰਧਾਨ ਲਵਲੀਨ ਸੈਨੀ


ਪਟਿਆਲ਼ਾ 28 ਨਵੰਬਰ ( ਰਾਜਿੰਦਰ ਸਿੰਘ ਥਿੰਦ ) 
 
ਆਲ ਇੰਡੀਆ ਸੈਨੀ ਸੇਵਾ ਸਮਾਜ ਦੀ ਪੰਜਾਬ ਇਕਾਈ ਨੇ ਸਮਾਜ ਨੂੰ ਇੱਕਜੁਟ ਕਰਨ ਅਤੇ ਭਰਾਵਾਂਚਾਰੇ ਨੂੰ ਮਜ਼ਬੂਤ ਬਣਾਉਣ ਦੇ ਉਦੇਸ਼ ਨਾਲ ਰਾਜ-ਪੱਧਰੀ ਜਨਸੰਪਰਕ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਹੈ। ਇਸ ਖ਼ਾਸ ਦੌਰੇ ਦੀ ਅਗਵਾਈ ਸੰਸਥਾ ਦੇ ਪ੍ਰਧਾਨ ਲਵਲੀਨ ਸਿੰਘ ਸੈਨੀ ਨੇ ਕੀਤੀ। ਉਨ੍ਹਾਂ ਦੀ ਰਹਿਨੁਮਾਈ ਹੇਠ ਇੱਕ ਪ੍ਰਤੀਨਿਧਿਮੰਡਲ ਨੇ ਪੰਜਾਬ ਦੇ ਵੱਖ-ਵੱਖ ਹਿੱਸਿਆਂ, ਖਾਸ ਕਰਕੇ ਮਾਝਾ ਅਤੇ ਦੋਆਬਾ ਦੇ ਕਈ ਸ਼ਹਿਰਾਂ ਦਾ ਦੌਰਾ ਕੀਤਾ। ਮੁਹਿੰਮ ਦੌਰਾਨ ਟੀਮ ਨੇ ਗੁਰਦਾਸਪੁਰ, ਦਿਨਾਨਗਰ, ਪਠਾਨਕੋਟ, ਮਾਂਸਰ, ਦਸੂਆ, ਟਾਂਡਾ ਅਤੇ ਜਲੰਧਰ ਵਿੱਚ ਸਮਾਜ ਦੇ ਲੋਕਾਂ ਨਾਲ ਖ਼ਾਸ ਮੀਟਿੰਗਾਂ ਕੀਤੀਆਂ। ਇਨ੍ਹਾਂ ਮੀਟਿੰਗਾਂ ਦਾ ਮੁੱਖ ਮਕਸਦ ਸੈਨੀ ਸਮਾਜ ਵਿੱਚ ਇੱਕਜੁਟਤਾ ਵਧਾਉਣਾ, ਸਮਾਜ ਦੀਆਂ ਸਮੱਸਿਆਵਾਂ ਨੂੰ ਸਮਝਣਾ ਅਤੇ ਸਭ ਨੂੰ ਇੱਕ ਮੰਜੇ ’ਤੇ ਲਿਆਉਣਾ ਸੀ। ਮੀਟਿੰਗਾਂ ਨੂੰ ਸੰਬੋਧਨ ਕਰਦੇ ਹੋਏ ਪ੍ਰਧਾਨ ਲਵਲੀਨ ਸਿੰਘ ਨੇ ਕਿਹਾ ਕਿ ਸਮਾਜ ਦੀ ਤਰੱਕੀ ਸੰਗਠਨ ਅਤੇ ਏਕਤਾ ’ਤੇ ਨਿਰਭਰ ਕਰਦੀ ਹੈ। ਉਨ੍ਹਾਂ ਨੇ ਸਮਾਜ ਨੂੰ ਮੌਤ ਭੋਗ ’ਤੇ ਘੱਟ ਤੋਂ ਘੱਟ ਖਰਚਾ ਕਰਨ ਦੀ ਖ਼ਾਸ ਅਪੀਲ ਵੀ ਕੀਤੀ। ਉਨ੍ਹਾਂ ਨੇ ਸਥਾਨਕ ਲੋਕਾਂ ਅਤੇ ਬਜ਼ੁਰਗਾਂ ਨਾਲ ਗੱਲਬਾਤ ਕਰਕੇ ਸਮਾਜ ਸਾਹਮਣੇ ਆ ਰਹੀਆਂ ਚੁਣੌਤੀਆਂ ’ਤੇ ਚਰਚਾ ਕੀਤੀ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਜਦ ਤੱਕ ਸਮਾਜ ਇੱਕਜੁਟ ਨਹੀਂ ਹੋਵੇਗਾ, ਤਦ ਤੱਕ ਸਮਾਜਿਕ, ਆਰਥਿਕ ਅਤੇ ਰਾਜਨੀਤਿਕ ਤੌਰ ’ਤੇ ਸਸ਼ਕਤੀਕਰਨ ਸੰਭਵ ਨਹੀਂ। ਦੌਰੇ ਦੌਰਾਨ ਲੋਕਾਂ ਨੇ ਇਸ ਪਹਲ ਦਾ ਗਰਮਜੋਸ਼ੀ ਨਾਲ ਸਵਾਗਤ ਕੀਤਾ ਅਤੇ ਸੰਸਥਾ ਨੂੰ ਮਜ਼ਬੂਤ ਬਣਾਉਣ ਲਈ ਇਕੱਠੇ ਅੱਗੇ ਵਧਣ ਦਾ ਭਰੋਸਾ ਦਿੱਤਾ। ਮੀਟਿੰਗਾਂ ਵਿੱਚ ਨੌਜਵਾਨਾਂ ਦੀ ਸਰਗਰਮ ਹਿਸੇਦਾਰੀ ਖ਼ਾਸ ਤੌਰ ’ਤੇ ਦਿਖਾਈ ਦਿੱਤੀ, ਜਿਸ ਨਾਲ ਇਹ ਸੰਦੇਸ਼ ਗਿਆ ਕਿ ਸੈਨੀ ਸਮਾਜ ਆਪਣੇ ਅਧਿਕਾਰਾਂ ਅਤੇ ਸਨਮਾਨ ਪ੍ਰਤੀ ਪਹਿਲਾਂ ਨਾਲੋਂ ਵਧੇਰੇ ਜਾਗਰੂਕ ਹੋ ਰਿਹਾ ਹੈ। ਉਨ੍ਹਾਂ ਨੇ ਅਪੀਲ ਕੀਤੀ ਕਿ ਨੌਜਵਾਨ ਪੀੜ੍ਹੀ ’ਤੇ ਖ਼ਾਸ ਧਿਆਨ ਦੇਣ ਦੀ ਲੋੜ ਹੈ, ਤਾਂ ਜੋ ਉਨ੍ਹਾਂ ਨੂੰ ਨਸ਼ਿਆਂ ਤੋਂ ਬਚਾਇਆ ਜਾ ਸਕੇ ਅਤੇ ਉਨ੍ਹਾਂ ਨੂੰ ਇੱਕ ਚੰਗਾ ਨਾਗਰਿਕ ਬਣਾਉਣ ਵਿੱਚ ਮਦਦ ਕੀਤੀ ਜਾ ਸਕੇ। ਅੰਤ ਵਿੱਚ, ਲਵਲੀਨ ਸਿੰਘ ਸੈਨੀ ਨੇ ਉਹਨਾਂ ਸਭ ਇਕਾਈਆਂ ਦਾ ਧੰਨਵਾਦ ਕੀਤਾ ਜਿਨ੍ਹਾਂ ਨੇ ਇਸ ਮੁਹਿੰਮ ਵਿੱਚ ਪੰਜਾਬ ਟੀਮ ਦਾ ਪੂਰਾ ਸਹਿਯੋਗ ਦਿੱਤਾ ਅਤੇ ਸਮਾਜ ਦੇ ਉਤਥਾਨ ਲਈ ਇੱਕਜੁਟ ਹੋ ਕੇ ਕੰਮ ਕਰਨ ਦਾ ਸੰਕਲਪ ਲਿਆ। ਇਸ ਮੁਹਿੰਮ ਵਿੱਚ ਮੁੱਖ ਤੌਰ ’ਤੇ ਸ਼੍ਰੀ ਹਰਬੰਸ ਸਿੰਘ ਸੈਨੀ (ਵਾਇਸ ਪ੍ਰਧਾਨ, ਪੰਜਾਬ), ਸ਼੍ਰੀ ਜੀਆਂ ਸਿੰਘ ਸੈਨੀ (ਐਡਵਾਈਜ਼ਰ), ਨੰਬਰਦਾਰ ਜਸਵੀਰ ਸਿੰਘ (ਪ੍ਰਧਾਨ, ਸਨੌਰ), ਸ਼੍ਰੀ ਹਰਭਜਨ ਸਿੰਘ ਸੈਨੀ (ਪ੍ਰਧਾਨ, ਸਮਾਣਾ ਯੂਨਿਟ), ਅਤੇ ਤਰਸੇਮ ਕੁਮਾਰ ਸੈਨੀ (ਸਟੇਟ ਐਗਜ਼ੈਕਟਿਵ ਮੈਂਬਰ) ਵੀ ਹਾਜ਼ਰ ਰਹੇ ।



PUNJAB LOK SMAACHAAR
PUNJAB LOK SAMACHAR
LOK SAMACHAR


ਹੋਰ ਖ਼ਬਰਾਂ ਪੜ੍ਹੋ
ਖ਼ਬਰਾਂ ਲੋਡ ਹੋ ਰਹੀਆਂ ਹਨ...

Post a Comment

0 Comments

 


THE VOICE OF PUNJAB

PUNJAB LOK
SAMACHAR

PUNJAB • POLITICS • NEWS • PUBLIC
ਖ਼ਬਰਾਂ ਲੋਡ ਹੋ ਰਹੀਆਂ ਹਨ...

● Punjab Lok Samachar

ਪੰਜਾਬ ਅਤੇ ਦੇਸ਼-ਵਿਦੇਸ਼ ਦੀਆਂ ਤਾਜ਼ਾ ਖ਼ਬਰਾਂ ਨਾਲ ਜੁੜੇ ਰਹੋ।

ਤਾਜ਼ਾ ਖ਼ਬਰਾਂ ਸਿੱਧੀਆਂ ਪਾਓ

ਆਪਣੀ Email ਦਿਓ ਅਤੇ Punjab Lok Samachar ਦੀਆਂ ਮਹੱਤਵਪੂਰਨ ਖ਼ਬਰਾਂ ਨਾਲ ਜੁੜੇ ਰਹੋ।

ਤੁਹਾਡੀ ਜਾਣਕਾਰੀ ਸੁਰੱਖਿਅਤ ਰਹੇਗੀ।