⚠ IMPORTANT NOTICE
BREAKING
ਖਬਰਾਂ ਲੋਡ ਹੋ ਰਹੀਆਂ ਹਨ...
01  /  --
ਮੁੱਖ ਖ਼ਬਰਾਂ EK NAZAR
● LATEST
ਖ਼ਬਰਾਂ ਲੋਡ ਹੋ ਰਹੀਆਂ ਹਨ...
ਖ਼ਬਰਾਂ ਲੋਡ ਹੋ ਰਹੀਆਂ ਹਨ...

 


ਸਨੌਰ ਦੇ ਪਿੰਡਾਂ ਵਿੱਚ ਵੋਟਿੰਗ ਦੌਰਾਨ ਅਮਨ-ਅਮਾਨ ਕਾਇਮ, ਕੁਝ ਥਾਵਾਂ ਉਤਸ਼ਾਹ ਤਾਂ ਕੁਝ ਥਾਵਾਂ ਸੁਸਤ ਰਹੇ ਰੁਝਾਨ


ਸਨੌਰ 14 ਦਸੰਬਰ (ਸੁਖਦੇਵ ਸਿੰਘ ਵਿਰਕ/ਤਰਨ ਚੌਧਰੀ)
ਸਨੌਰ ਹਲਕੇ ਦੇ ਅਧੀਨ ਆਉਂਦੇ ਪਿੰਡਾਂ ਵਿੱਚ ਜ਼ਿਲ੍ਹਾ ਪ੍ਰੀਸ਼ਦ ਅਤੇ ਬਲਾਕ ਸੰਮਤੀ ਲਈ ਹੋਈਆਂ ਚੋਣਾਂ ਪੂਰੀ ਤਰ੍ਹਾਂ ਅਮਨ-ਚੈਨ ਅਤੇ ਸਖ਼ਤ ਸੁਰੱਖਿਆ ਪ੍ਰਬੰਧਾਂ ਹੇਠ ਸੰਪੰਨ ਹੋਈਆਂ। ਪਿੰਡ ਪੱਧਰ ’ਤੇ ਲੋਕਤੰਤਰਕ ਪ੍ਰਕਿਰਿਆ ਨੂੰ ਅੱਗੇ ਵਧਾਉਂਦਿਆਂ ਵੋਟਰਾਂ ਨੇ ਆਪਣੇ ਅਧਿਕਾਰ ਦੀ ਵਰਤੋਂ ਕੀਤੀ, ਹਾਲਾਂਕਿ ਵੋਟਿੰਗ ਦੀ ਦਰ ਹਰ ਪਿੰਡ ਵਿੱਚ ਇੱਕੋ ਜਿਹੀ ਨਹੀਂ ਰਹੀ। ਚੋਣਾਂ ਦੌਰਾਨ ਕਿਸੇ ਵੀ ਤਰ੍ਹਾਂ ਦੀ ਹਿੰਸਕ ਘਟਨਾ, ਟਕਰਾਅ ਜਾਂ ਬੂਥ ਨਾਲ ਸੰਬੰਧਿਤ ਗੜਬੜ ਦੀ ਕੋਈ ਸੂਚਨਾ ਨਹੀਂ ਮਿਲੀ। ਪੁਲਿਸ ਅਤੇ ਸਿਵਲ ਪ੍ਰਸ਼ਾਸਨ ਵੱਲੋਂ ਪਹਿਲਾਂ ਤੋਂ ਹੀ ਕੀਤੇ ਗਏ ਇੰਤਜ਼ਾਮ ਕਾਰਨ ਹਾਲਾਤ ਪੂਰੇ ਦਿਨ ਕਾਬੂ ਵਿੱਚ ਰਹੇ। ਐਸ.ਐਸ.ਪੀ. ਪਟਿਆਲਾ ਦੀਆਂ ਹਦਾਇਤਾਂ ਅਨੁਸਾਰ ਹਰੇਕ ਸੰਵੇਦਨਸ਼ੀਲ ਅਤੇ ਆਮ ਪੋਲਿੰਗ ਸਟੇਸ਼ਨ ’ਤੇ ਪੁਲਿਸ ਫੋਰਸ ਦੀ ਤਾਇਨਾਤੀ ਕੀਤੀ ਗਈ ਸੀ। ਪ੍ਰਸ਼ਾਸਨਿਕ ਜਾਣਕਾਰੀ ਮੁਤਾਬਕ ਸ਼ਾਮ ਸਾਢੇ ਚਾਰ ਵਜੇ ਤੱਕ ਸਥਿਤੀ ਬਿਲਕੁਲ ਸਧਾਰਣ ਰਹੀ ਅਤੇ ਵੋਟਿੰਗ ਨਿਰਵਿਘਨ ਤੌਰ ’ਤੇ ਚੱਲਦੀ ਰਹੀ। ਵੋਟਰਾਂ ਦੇ ਰੁਝਾਨਾਂ ਦੀ ਗੱਲ ਕਰੀਏ ਤਾਂ ਕੁਝ ਪਿੰਡਾਂ ਵਿੱਚ ਚੰਗਾ ਉਤਸ਼ਾਹ ਵੇਖਣ ਨੂੰ ਮਿਲਿਆ। ਪਿੰਡ ਬੋਲੜ ਕਲਾਂ ਵਿੱਚ ਦੋਵੇਂ ਭਾਗਾਂ ਵਿੱਚ ਵੋਟਿੰਗ ਦੀ ਦਰ ਪੰਜਾਹ ਫ਼ੀਸਦੀ ਤੋਂ ਉੱਪਰ ਰਹੀ, ਜੋ ਵੋਟਰਾਂ ਦੀ ਸਰਗਰਮ ਭਾਗੀਦਾਰੀ ਨੂੰ ਦਰਸਾਉਂਦੀ ਹੈ। ਖ਼ਬਰ ਲਿਖੇ ਜਾਣ ਤੱਕ ਵੱਖ-ਵੱਖ ਪਿੰਡਾਂ ਵਿੱਚ ਵੋਟਿੰਗ ਦਾ ਰੁਝਾਨ ਅਤੇ ਪ੍ਰਤੀਸ਼ਤ ਇਸ ਪ੍ਰਕਾਰ ਰਿਹਾ ਕਿ ਸਭ ਤੋਂ ਵੱਧ ਉਤਸ਼ਾਹ ਪਿੰਡ ਬੋਲੜ਼ ਕਲਾਂ ਵਿੱਚ ਦੇਖਣ ਨੂੰ ਮਿਲੀਆ। ਇੱਥੇ ਭਾਗ ਪਹਿਲਾ ਵਿੱਚ ਕੁੱਲ 1008 ਵੋਟਾਂ ਸਨ, ਜਿਨ੍ਹਾਂ ਵਿਚੋਂ ਕਰੀਬ 533 ਵੋਟਰਾਂ ਨੇ ਆਪਣੇ ਹੱਕ ਦਾ ਇਸਤੇਮਾਲ ਕੀਤਾ, ਜੋ ਕਿ ਲਗਭਗ 52.87 ਫ਼ੀਸਦੀ ਬਣਦਾ ਹੈ। ਇਸੇ ਪਿੰਡ ਦੇ ਭਾਗ ਦੂਜੇ ਵਿੱਚ ਵੋਟਿੰਗ ਹੋਰ ਵੀ ਬਿਹਤਰ ਰਹੀ, ਜਿੱਥੇ 901 ਵੋਟਾਂ ਵਿਚੋਂ 493 ਵੋਟਾਂ ਪੋਲ ਹੋਈਆਂ, ਜਿਸ ਦੀ ਦਰ 54.71 ਫ਼ੀਸਦੀ ਰਹੀ। ਇਸੇ ਤਰ੍ਹਾਂ ਪਿੰਡ ਬਲਮਗੜ੍ਹ ਵਿੱਚ ਵੀ ਵੋਟਰਾਂ ਨੇ ਚੰਗੀ ਸ਼ਮੂਲੀਅਤ ਦਿਖਾਈ। ਇੱਥੇ ਕੁੱਲ 936 ਵੋਟਾਂ ਵਿਚੋਂ 508 ਵੋਟਾਂ ਦਰਜ ਕੀਤੀਆਂ ਗਈਆਂ, ਜੋ ਕਿ ਕੁੱਲ ਵੋਟਾਂ ਦਾ 54.27 ਫ਼ੀਸਦੀ ਬਣਦਾ ਹੈ। ਪਿੰਡ ਲਲੀਣਾ ਵਿੱਚ ਵੀ ਅੱਧੇ ਤੋਂ ਵੱਧ ਵੋਟਰਾਂ ਨੇ ਭੁਗਤਾਨ ਕੀਤਾ, ਜਿੱਥੇ 660 ਵੋਟਾਂ ਵਿਚੋਂ 339 ਵੋਟਰਾਂ ਨੇ ਵੋਟ ਪਾਈ (ਲਗਭਗ 51.36 ਫ਼ੀਸਦੀ)। ਦੂਜੇ ਪਾਸੇ, ਪਿੰਡ ਭਾਂਖਰ ਵਿੱਚ ਵੋਟਿੰਗ ਪ੍ਰਤੀ ਉਦਾਸੀਨਤਾ ਦੇਖਣ ਨੂੰ ਮਿਲੀ। ਇੱਥੇ ਬੂਥ ਨੰਬਰ 25 'ਤੇ 881 ਵੋਟਾਂ ਵਿਚੋਂ ਸਿਰਫ 262 ਵੋਟਾਂ ਹੀ ਪਈਆਂ, ਜੋ ਕਿ ਸਿਰਫ 29.73 ਫ਼ੀਸਦੀ ਬਣਦਾ ਹੈ। ਇਸੇ ਤਰ੍ਹਾਂ ਬੂਥ ਨੰਬਰ 26 'ਤੇ ਹਾਲਾਤ ਹੋਰ ਵੀ ਪਤਲੇ ਰਹੇ, ਜਿੱਥੇ 572 ਵਿੱਚੋਂ ਕੁੱਲ 151 ਵੋਟਾਂ ਪਈਆਂ, ਜਿਸ ਦੀ ਪ੍ਰਤੀਸ਼ਤ ਮਹਿਜ਼ 26.39 ਫ਼ੀਸਦੀ ਰਹੀ। ਭਾਂਖਰ ਵਿੱਚ ਘੱਟ ਵੋਟਿੰਗ ਚਰਚਾ ਦਾ ਵਿਸ਼ਾ ਬਣੀ ਰਹੀ। ਸ਼ਾਮ 4:30 ਵਜੇ ਖ਼ਬਰ ਲਿਖੇ ਜਾਣ ਤੱਕ ਵੋਟਿੰਗ ਪ੍ਰਕਿਿਰਆ ਬਿਨਾਂ ਕਿਸੇ ਰੁਕਾਵਟ ਦੇ ਜਾਰੀ ਸੀ। ਚੋਣ ਅਮਲੇ ਵੱਲੋਂ ਪੋਲੰਿਗ ਸਟੇਸ਼ਨਾਂ 'ਤੇ ਆਏ ਹਰ ਵੋਟਰ ਨੂੰ ਵੋਟ ਪਾਉਣ ਦਾ ਮੌਕਾ ਦਿੱਤਾ ਗਿਆ।

 


PUNJAB LOK SAMACHAAR
LOK SMACHAR
ਪੰਜਾਬ ਲੋਕ ਸਮਾਚਾਰ




ਹੋਰ ਖ਼ਬਰਾਂ ਪੜ੍ਹੋ
ਖ਼ਬਰਾਂ ਲੋਡ ਹੋ ਰਹੀਆਂ ਹਨ...

Post a Comment

0 Comments

 


THE VOICE OF PUNJAB

PUNJAB LOK
SAMACHAR

PUNJAB • POLITICS • NEWS • PUBLIC
ਖ਼ਬਰਾਂ ਲੋਡ ਹੋ ਰਹੀਆਂ ਹਨ...

● Punjab Lok Samachar

ਪੰਜਾਬ ਅਤੇ ਦੇਸ਼-ਵਿਦੇਸ਼ ਦੀਆਂ ਤਾਜ਼ਾ ਖ਼ਬਰਾਂ ਨਾਲ ਜੁੜੇ ਰਹੋ।

ਤਾਜ਼ਾ ਖ਼ਬਰਾਂ ਸਿੱਧੀਆਂ ਪਾਓ

ਆਪਣੀ Email ਦਿਓ ਅਤੇ Punjab Lok Samachar ਦੀਆਂ ਮਹੱਤਵਪੂਰਨ ਖ਼ਬਰਾਂ ਨਾਲ ਜੁੜੇ ਰਹੋ।

ਤੁਹਾਡੀ ਜਾਣਕਾਰੀ ਸੁਰੱਖਿਅਤ ਰਹੇਗੀ।