ਹਲਕਾ ਸਨੌਰ ਦੇ ਸੀਨੀਅਰ ਕਾਂਗਰਸੀ ਆਗੂ ਮਨਸਿਮਰਤ ਸਿੰਘ ਸ਼ੈਰੀ ਰਿਆੜ ਨੇ ਅੱਜ ਸਨੌਰ ਵਿੱਚ ਬਣੇ ਆਯੂਸ਼ਮਾਨ ਅਰੋਗਿਆ ਕੇਂਦਰ ਅਤੇ ਮਹੁੱਲਾ ਕਲੀਨਿਕ ਦੌਰਾ ਕਰਕੇ ਇਥੇ ਦੀਆਂ ਬੁਨਿਆਦੀ ਸਿਹਤ ਸਹੂਲਤਾਂ ’ਤੇ ਗੰਭੀਰ ਸਵਾਲ ਚੁੱਕੇ। ਉਨ੍ਹਾਂ ਕਿਹਾ ਕਿ 1992 ਵਿੱਚ ਰੱਖਿਆ ਗਿਆ ਹਸਪਤਾਲ ਦਾ ਨੀਂਹ ਪੱਥਰ ਅੱਜ ਵੀ ਉਸੇ ਤਰ੍ਹਾਂ ਖਾਲੀ ਵਾਅਦੇ ਵਾਂਗ ਖੜ੍ਹਾ ਹੈ। ਇਮਾਰਤ ਤਾਂ ਬਣ ਗਈ ਪਰ ਕਮਰਿਆਂ ’ਤੇ ਤਾਲੇ ਲੱਗੇ ਹਨ, ਮਾਹਿਰ ਡਾਕਟਰ ਨਹੀਂ, ਅਤੇ 24 ਘੰਟੇ ਚੱਲਣ ਲਈ ਬਣਾਏ ਕਮਰੇ ਵੀ ਬੇਕਾਰ ਪਏ ਹਨ।
 |
| 1992 ਚ ਰੱਖਿਆ ਹਸਪਤਾਲ ਦਾ ਨੀਂਹ ਪੱਥਰ ਦਾ ਦ੍ਰਿਸ਼। |
ਰਿਆੜ ਨੇ ਕਿਹਾ ਕਿ ਲੋਕਾਂ ਨੂੰ ਨਾਂਮ ਬਦਲਾਅ ਨਹੀਂ, ਸਹੂਲਤਾਂ ਚਾਹੀਦੀਆਂ ਹਨ। ਉਨ੍ਹਾਂ ਦੱਸਿਆ ਕਿ ਸਨੌਰ ਅਤੇ ਲਾਗਲੇ ਪਿੰਡਾਂ ਵਿੱਚ ਐਮਰਜੈਂਸੀ ਦੌਰਾਨ ਲੋਕਾਂ ਨੂੰ 15-20 ਕਿਲੋਮੀਟਰ ਦੂਰ ਪਟਿਆਲਾ ਜਾਣਾ ਪੈਂਦਾ ਹੈ, ਜੋ ਜਾਨਮਾਲ ਲਈ ਵੱਡਾ ਖਤਰਾ ਬਣਦਾ ਹੈ। ਇਥੇ ਮੌਜੂਦ ਦੋ ਐਂਬੂਲੈਂਸਾਂ ਦੀ ਹਾਲਤ ਵੀ ਨਾਜ਼ੁਕ ਹੈ, ਜਿਸ ਕਰਕੇ ਹਾਦਸਿਆਂ ਦੇ ਸਮੇਂ ਪਟਿਆਲਾ ਤੋਂ ਹੀ ਸਹਾਇਤਾ ਲੈਣੀ ਪੈਂਦੀ ਹੈ। ਰਿਆੜ ਨੇ ਮੰਗ ਕੀਤੀ ਕਿ ਸਨੌਰ ਦੇ ਇਸ ਕੇਂਦਰ ਨੂੰ ਤੁਰੰਤ ਪੂਰੀ ਸਿਹਤ ਸੇਵਾ ਦੇ ਕੇ 24 ਘੰਟੇ ਚਾਲੂ ਕੀਤਾ ਜਾਵੇ, ਨਹੀਂ ਤਾਂ ਵੱਡਾ ਸੰਘਰਸ਼ ਕੀਤਾ ਜਾਵੇਗਾ।
ਹੋਰ ਖ਼ਬਰਾਂ ਪੜ੍ਹੋ
ਖ਼ਬਰਾਂ ਲੋਡ ਹੋ ਰਹੀਆਂ ਹਨ...
0 Comments