ਰਾਜਪੁਰਾ, 13 ਨਵੰਬਰ (ਸੁਖਦੇਵ ਵਿਰਕ)
ਕੌਮੀ ਇਨਸਾਫ਼ ਮੋਰਚਾ ਅਤੇ ਵੱਖ-ਵੱਖ ਕਿਸਾਨ ਯੂਨੀਅਨਾਂ ਵੱਲੋਂ ਸ਼ੰਭੂ ਬੈਰੀਅਰ ਤੱਕ ਰੋਸ ਮਾਰਚ ਕੱਢਣ ਦੇ ਐਲਾਨ ਮਗਰੋਂ ਪ੍ਰਸ਼ਾਸਨ ਨੇ ਟ੍ਰੈਫ਼ਿਕ ਲਈ ਚੇਤਾਵਨੀ ਅਤੇ ਵਿਕਲਪਿਕ ਰੂਟ ਜਾਰੀ ਕੀਤੇ ਹਨ। ਜਾਣਕਾਰੀ ਅਨੁਸਾਰ, ਰਾਜਪੁਰਾ–ਅੰਬਾਲਾ–ਦਿੱਲੀ ਹਾਈਵੇਅ 14 ਨਵੰਬਰ ਨੂੰ ਸਵੇਰੇ 7 ਵਜੇ ਤੋਂ ਸ਼ਾਮ 6 ਵਜੇ ਤੱਕ ਸ਼ੰਭੂ ਵਿਖੇ ਪੂਰੀ ਤਰ੍ਹਾਂ ਬੰਦ ਰਹੇਗਾ।
ਪੁਲਿਸ ਨੇ ਵਾਹਨ ਚਾਲਕਾਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਹੇਠਾਂ ਦਿੱਤੇ ਵਿਕਲਪਿਕ ਰਸਤੇ ਵਰਤਣ:
- ਫਤਿਹਗੜ੍ਹ ਸਾਹਿਬ – ਲਾਂਡਰਾਂ – ਏਅਰਪੋਰਟ ਚੌਕ ਮੋਹਾਲੀ – ਡੇਰਾਬੱਸੀ – ਅੰਬਾਲਾ
- ਰਾਜਪੁਰਾ – ਬਨੂੜ – ਜ਼ੀਰਕਪੁਰ (ਚੈਟ ਲਾਈਟਾਂ) – ਡੇਰਾਬੱਸੀ – ਅੰਬਾਲਾ
- ਰਾਜਪੁਰਾ – ਘਨੌਰ – ਅੰਬਾਲਾ ਦਿੱਲੀ ਹਾਈਵੇਅ
- ਪਟਿਆਲਾ – ਘਨੌਰ – ਅੰਬਾਲਾ ਦਿੱਲੀ ਹਾਈਵੇਅ
- ਬਨੂੜ – ਮਨੌਲੀ ਸੂਰਤ – ਲੇਹਲੀ – ਲਾਲੜੂ – ਅੰਬਾਲਾ (ਸਿਰਫ਼ ਛੋਟੀਆਂ ਕਾਰਾਂ ਲਈ)
ਪ੍ਰਸ਼ਾਸਨ ਦੇ ਮੁਤਾਬਕ, ਰਾਜਪੁਰਾ ਸ਼ਹਿਰ ਅਤੇ ਰਾਜਪੁਰਾ–ਜ਼ੀਰਕਪੁਰ ਸਟ੍ਰੈਚ 'ਤੇ ਵਾਹਨਾਂ ਦੀ ਭੀੜ ਰਹਿਣ ਦੀ ਸੰਭਾਵਨਾ ਹੈ। ਟ੍ਰੈਫ਼ਿਕ ਦੇ ਸੁਚਾਰੂ ਪ੍ਰਵਾਹ ਲਈ ਸਾਰੇ ਡਾਇਵਰਸ਼ਨ ਪੁਆਇੰਟਾਂ 'ਤੇ ਪੁਲਿਸ ਕਰਮਚਾਰੀ ਤਾਇਨਾਤ ਕੀਤੇ ਜਾਣਗੇ। ਪ੍ਰਸ਼ਾਸਨ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਬਿਨਾ ਜ਼ਰੂਰਤ ਯਾਤਰਾ ਤੋਂ ਪਰਹੇਜ਼ ਕਰਨ ਅਤੇ ਜਾਰੀ ਕੀਤੀਆਂ ਹਦਾਇਤਾਂ ਦੀ ਪਾਲਣਾ ਕਰਨ।


0 Comments